По напорниот работен ден во овие студени денови една топла домашно подготвена супа ќе ве опушти и засити.

Веројатно ви се случило вашата супа понекогаш да е премногу мрсна или недоволно бистра или, пак, едноставно имате чувство дека нешто недостасува уште при првата лажица. Еве неколку совети кои можат да ви помогнат.

Доколку сакате да направите погуста пилешка супа, пилешкото треба да се стави во ладна вода, па да го вклучите да се готви, а доколку сакате супата да биде полесна и побристра, пилешкото месо за супа се приготвува во веќе зовриена вода.
Задолжително додадете ловоров лист во пилешката супата, бидејќи вкусот ќе биде многу подобар.

Супата од говедско месо е обично матна, но доколку не сакате да изгледа така потребно е да изматете една белка и да ја сипете во супата додека врие.

Исто така, домашната супа ќе добие подобар вкус ако го исечете кромидот на половина и го испечете на рингла (или на сува тава). Кога ќе добие кафеава боја, прободете го со чепкалки за заби за да не се распадне за време на готвењето.

Одлични трикови за обичната домашна супа стане ваша специјалност.

Добар апетит!