Вакцинацијата на децата против детска парализа започна денеска во центарот на Газа, изјави официјален претставник за Франс прес, пред „хуманитарната пауза“ во непријателствата што ја најавија ОН за да го дозволат тоа, пренесува „N1“. 

„Тимови од Министерството за здравство (Владата на Хамас), УНРВА и невладините организации започнаа кампања за вакцинација против детска парализа во централниот Појас Газа во саботата“, рече д-р Муса Абед, директор за прва помош во Министерството за здравство на владата на Хамас.

Првиот случај на детска парализа неодамна беше потврден кај десетмесечно дете во Појасот Газа, каде болеста беше искоренета пред дваесет и пет години.

ОН испратија 1,2 милиони орални вакцини.

Светската здравствена организација (СЗО) во четвртокот соопшти дека израелските власти се согласиле на неколку „хуманитарни паузи“ од по три дена во Газа за да дозволат 640.000 деца да бидат вакцинирани против детска парализа.

Според ОН, „потребно е најмалку 90% опфат на деца во текот на секоја фаза на вакцинација за да се спречи епидемија“.