Познатиот актер и режисер Драган Бјелогрлиќ денеска за првпат седна на обвинителна клупа во Првиот основен суд во Белград, кој против него ќе води постапка поради обвинувањата за насилничко однесување кон неговиот колега Предраг Гага Антонијевиќ.

Истрагата против Бјелогрлиќ ја водеше Основното јавно обвинителство Ниш, кое по распитот на осомничениот Бјелогрлиќ, Антонијевиќ и други сведоци, изврши вештачење, поднесе обвинителен акт против актерот и режисерот.

Драган Бјелогрлиќ приведен поради физички напад врз режисерот на филмот „Дара од Јасеновац“

По завршувањето на истрагата, обвинителството во Ниш му предложи на судот Бјелогрлиќ да биде осуден на шест месеци за насилничко однесување. Но, според одлуката на Врховниот суд, предметот е проследен до белградскиот суд, бидејќи било заклучено дека постапката треба да се изнесе пред судот во Белград.

Бјелогрлиќ пристигнал во судот нешто пред 11 часот во придружба на адвокатите Југослав Тинтор и Горан Драганиќ, пренесуваат српските медиуми. Имено, пред судот Бјелогриќ негирал дека го сторил кривичното дело. Според неговите адвокати, снимките кои биле пласирани во јавноста биле половични, односно не ја давале целата слика за тоа што се случувало во хотелот.

Врховниот касационен суд одлучи: На актерот и режисер Драган Бјелогрлиќ да му се суди во Белград

Инаку, одбраната на Бјелогрлиќ побарала да се обезбеди поголема судница, бидејќи во оваа, која е предвидена за претрес, може да има само тројца новинари. Одбраната бара да бидат присутни сите медиуми кои сакаат да присуствуваат на судењето.

Да потсетиме, инцидентот поради кој Бјелогрлиќ и Антонијевиќ завршија на суд се случи за време на манифестацијата „Филмски средби“, на 23 август во Ниш. Настанот се случил во фоајето на хотелот „Амбасадор“ во Ниш и истиот беше снимен и од безбедносните камери.