Министерството за здравство (МЗ) соопшти дека почна скринингот во училиштата. Завршена е првата фаза за добивање и обработка на согласностите од родителите.

Според МЗ, голем е интересот за учество во скринингот и досега се добиени околу 5.000 согласности од родители на деца во основните училишта во Скопје.

-Врз основа на добиените согласности, направен е план и распоред за реализација на скринингот на терен и тој веќе се врши во неколку основни училишта во Скопје. Скринигот продолжува во понеделник. Во рамки на првата фаза ќе бидат опфатени училиштата на територија на град Скопје, а ќе бидат вклучени медицински екипи од Центарот за јавно здравје и Здравствениот дом Скопје, информира МЗ.

Сите активности за спроведување на скринингот се одвиваат во постојана координација со Министерството за образование и наука.