Музичарот Енди Рурк, басистот на „Смитс“, почина на 59-годишна возраст. Тажната вест ја потврди неговиот колега од бендот Џони Мар, кој откри дека Енди боледувал од рак на панкреасот.

„Со голема тага објавуваме дека Енди Рурк почина по долга битка со ракот на панкреасот. Енди ќе остане запаметен од оние кои го познаваа како љубезна и убава душа, а љубителите на музиката како исклучително талентиран музичар. Ве молиме за приватност во овој тажен период“, напиша Џони.

It is with deep sadness that we announce the passing of Andy Rourke after a lengthy illness with pancreatic cancer.
Andy will be remembered as a kind and beautiful soul by those who knew him and as a supremely gifted musician by music fans.
We request privacy at this sad time pic.twitter.com/KNehQxXoFz

— Johnny Marr (@Johnny_Marr) May 19, 2023

Рурк снимал со Смитс на песни како што се „This Charming Man“ и „There is a Light That Never Goes Out“. Тој исто така свиреше во групата Фрибас со уште двајца познати гитаристи Питер Хук од Њу Ордер и Мани од Стоун Роузис. Снимаше и со Шинед О’Конор, Иан Браун и Долорес О’Риодан од групата Кренберис.

Таткото на Рурк бил Ирец, а мајка му Англичанка. Гитара ја добил од родителите кога имал седум години. Четири години подоцна стана пријател со Џон Махер, кој подоцна го промени своето име во Џони Мар. Тие го делеле истиот интерес за музиката.
„Јас и Енди цело време студиравме музика, се забавувавме и работевме за да станеме подобри музичари“, изјавил Мар во една прилика.
На училиште, паузите за ручек ги поминувале свирејќи музика. Рурк го напуштил училиштето кога имал 15 години. Свиреше гитара во различни бендови. Рурк и Мар се спријателиле со Морисеј и ги формирале Смитс. Бендот конечно се распадна во 1987 година.