Дека е среќна иако не е во брак, легендарната Џејн Фонда откри во виртуелниот разговор кој го водеше во пресрет на овогодишното доделување на Златните глобуси, каде ќе биде наградена со почесната награда Сесил Б. Демил, награда која ја доделува холивудското здружение за извонреден придонес во светот на забавата. А на прашањето постои ли нешто во животот што се уште не го постигнала, таа даде прилично интересен одговор…

„Ќе ви кажам во што никогаш не успеав – да имам успешен брак. Но вашето прашање сигурно ќе продолжи на што е тоа што би сакала да го постигнам и одговорот е дека повеќе не сакам никаков брак. Погледнете, живеам сама и не сакам тука да ми се всели некој маж кој не сака да има жена која ќе се лути и која ќе се залага самата за себе“, изјави Џејн Фонда и додаде:

„Ова не е закана упатена до било кого. Вака ми е добро. Можам да гледам што и да посакам на телевизија, па токму затоа ми е јасно дека повеќе не сакам да се мажам, но исто така тоа е нешто што би сакала да ми успееше“.

Холивудската легенда зад себе има три пропаднати брака – од 1965 до 1973 беше омажена за францускиот режисер Рожер Вадим, потоа од 1973 до 1990 за политичарот Том Хајден и на крајот од 1991 до 2001 за основачот на Си-Ен-Ен, Тед Тарнер. За малку таа и четврти пат ќе застанеше на „лудиот камен“ по осумгодишната врска со музичарот Ричард Пери, но нивната врска заврши во 2017 година.