Само една недела откако легендарниот бразилски фудбалер Пеле беше опериран за да му биде отстранет тумот на дебелото црево, сега на операциска маса се најде уште еден поранешен фудбалер.

Во четвртокот беше опериран и Ромарио на кого му е отстрането жолчното ќесе. Поранешниот фудбалер е опериран во болницата „Копа Стар“ во Рио де Жанеиро, а оперативниот зафат поминал без никакви проблеми и се очекува Ромарио за неколку дена да биде отпуштен од болницата.

Ромарио беше најголема ѕвезда на бразилската репрезентација која во 1994 година триумфира на Светското првенство кое се одржа во САД.