Роналд Фенти, таткото на популарната музичарка Ријана, почина на 70 години, објави „Пејџ сикс“.

Според радио станицата „Старком Нетворк Њуз“ со седиште во Барбадос, родната земја на поп-ѕвездата, Фенти починал рано наутро во саботата во Лос Анџелес. Иако официјалната причина за смртта сè уште не е позната, тие велат дека починал по „кратко боледување“.

Извори велат дека семејството се собрало во Калифорнија на комеморација. Ријана сè уште не се огласила за смртта на нејзиниот татко.

Познатата пејачка моментално го очекува своето трето дете со партнерот Ејсап Роки. Таа имала турбулентна врска со својот татко. Роналд се развел од нејзината мајка кога Ријана имала само 14 години, а наводно имал и проблем со алкохолот.

Исто така, откако Крис Браун, тогашното момче на Ријана, ја нападна пејачката во 2009 година, Фенти зборуваше со медиумите за инцидентот без нејзина дозвола. Таа се осврна на тоа години подоцна за „Вог“ и ја опиша ситуацијата како „многу необична“.

– Растеш со својот татко, го познаваш, си дел од него, мили Боже! И потоа тој прави нешто толку бизарно што не можев ни да го сфатам – рекла таа во тоа време.

Подоцна ѝ открила на Опра дека ја поправиле својата врска, но во 2019 година го тужеше за користење на нејзиното име за финансиска добивка.

Во тоа време, таа тврдеше, меѓу другото, дека нејзиниот татко основал агенција за таленти наречена „Фенти ентертејнмент“ и се преправал дека е нејзин менаџер за да добие клиенти. Сепак, три недели пред случајот да оди на суд, Ријана ги отфрлила обвиненијата, објави „Пипл“.

ФОТО | Во небесно син фустан, Ријана повторно го истакна голиот труднички стомак на Канскиот Филмски Фестивал