Јапонската влада денес делумно го отвори за јавноста последниот град кој беше изолиран по несреќата со нуклеарниот реактор во Фукушима пред девет години, со напрева пред престојната Олимпијада во Токио да демонстрира потполно опоравување на целиот регион од радијацијата.

Сите 7.000 жители на Футабе принудно беа иселени по катастрофалниот дефект на реакторот кој се случи по силниот земјотрес и цунамиот во март 2011 година. Јапонските власти се подготвуваат за настанот кој ќе означи тргнувањето на олимпискиот оган од регионот на Фукушима.

Факелот со олимпискиот оган ќе помине и низ Футаба, гратчето кое се наоѓа само четири километри од нуклеарниот реактор кој е уништен во 2011 година. Официјалните лица на Футаба изразија надеж дека поранешните жители на местото ќе се вратат, иако стравот од радијацијата се уште е присутен кај многумина.

Многу жители на Футабе кои се евакуирани во меѓувреме започнале нов живот во други градови на Јапонија и не планираат да се вратат, иако нивото на радијација сега е во прифатливи граници.