Беспилотен дрон беше забележан над објект на германските вооружени сили (Бундесвер) во близина на аеродромот во Минхен, објави Шпигел, повикувајќи се на портпарол на Оперативната команда на Бундесверот во Берлин.

Иако деталите за овој инцидент не се објавени од безбедносни причини, наведено е дека Бундесверот многу сериозно ги сфаќа летовите со беспилотни летала над воените објекти и дека постојат соодветни безбедносни концепти за нашите објекти на германските вооружени сили.

Шпигел, исто така, додава дека надвор од воените објекти, државните полициски сили се одговорни за безбедноста.

Портпаролот не прецизираше дали постои врска со видувањето беспилотни летала на аеродромот во Минхен, каде што воздушниот сообраќај беше прекинат синоќа.

Според полицијата, неколку лица виделе беспилотни летала над аеродромот во Минхен, објавува Тагешау.
Поради ова, воздушниот сообраќај беше прекинат синоќа кратко по 22 часот, а бројни летови беа откажани.

На аеродромот во Минхен беа откажани 17 летови, што влијаеше на речиси 3.000 патници.

Дополнително, 15 летови што требаше да дојдат мораа да бидат пренасочени кон Штутгарт, Нирнберг, Виена и Франкфурт.

Бројни заробени патници мораа да преноќат на аеродромот.

Полицијата и противпожарната служба на аеродромот поставија десетици полски кревети во терминалот за таа цел.

Во меѓувреме, работењето на аеродромот е обновено.