ПМФЛ: Трапановски човек на одлука во дербито на Шкупи и Шкендија, Струга со голем пресврт до победа во Кавадарци
Со голот на Кристијан Трапановски Шкупи славеше победа на свој терен во денешното дерби од Првата македонска фудбалска лига против Шкендија. Највозбудливо во денешните натпревари беше во Кавадарци каде што Струга од негатива од 2:0 дојде до победа од 2:3 против домаќинот Тиквеш.
Чаирскиот тим по 17 кола сега е осамен на втвот на табелата. Клучниот момент на денешното дерби се случи во 37. Минутак ога Кристијан Трапановски влезе во шеснаесетникот и го матираше голманот на Шкендија.
По постигнатиот гол гледавме отворен и динамичен фудбал, посебно во вториот дел кога имаше повеќе шанси. Шкупи беше поблиску до втор гол, отколку Шкендија до изедначување, меѓутоа на крајот резултатот не се промени.
Најмногу возбудувања во денешните натпревари понуди натпреварот во Кавадарци помеѓу Тиквеш и Струга.
Многу брзо домаќините по 15-тина минути игра имаа два гола предност, автогол си постигна Згуро, а од редовите на Тиквеш на гол се израдува Ивановски. Во финишот на првиот дел блесна Марјан Радески кој постигна два гола за нерешен резултат на паузата (2:2).
Георгиевски на десетина минути пред крајот на натпреварот ги постави конечните 2:3 за три бода за Струга.
Два гола предност денес прокоцка и Брегалница против Воска, но таа средба заврши 2:2.
Гоце Седлоски во својот трет натпревар на клупата на Работнички дојде до неговата прва победа. Дебармаалци со 1:0 ја совладаа Брера на стадионот „Борис Трајковски“ во Маџари. Силекс и Гостивар ги поделија бодовите одигрувајќи 1:1.
Ќе потсетиме, Вардар вчера беше подобар од Македонија Ѓорче Петров со 0:1.
ПМФЛ: Милосавиќ му донесе важен триумф на Вардар против Македонија ЃП