Лидерот на табелата, Шкупи ги искористи киксевите на конкурентите Академија Пандев и Шкендија и со триумфот од 1:0 над Тиквеш направи голем исчекор кон освојување на титулата во Првата фудбалска лига.
Шкупи е лидер на табелата со 61 бод, додека „пандевци“ и Шкендија имаат по 48 бода.

Човек на одлука беше Марјан Радески кој го постигна единствениот гол на натпреварот во 49 минута. Интересен момент се случи во првото полувреме кога беше досуден пенал за гостите, но истиот беше поништен по реакцијата на домашните фудбалери и консултацијата на судијата Качевски со помошникот.

Академија Пандев загуби на домашен терен со 1:2 од Скопје. Херој на гостите беше Леонид Игњатов кој ги постигна двата гола во второто полувреме, откако Маронг погоди во петтата минута за пандевци.

Шкендија и Борец одиграа без голови, на задолство на Македонија ЃП која со 2:0 го победи Пелистер и дојде на само два бода од тетовци и Академија Пандев.

Резултати:
Шкупи – Тиквеш 1:0
Академија Пандев – Скопје 1:2
Шкендија – Борец 0:0
Брегалница – Ренова 2:2
Македонија ЃП – Пелистер 2:2
Работнички – Струга ТЛ 1:3
Табела: Шкупи 61, А. Пандев 48, Шкендија 48, Македонија ЃП 46, Ренова 37, Брегалница 37, Струга ТЛ 33, Работнички 31, Скопје 25, Тиквеш 21, Борец 14, Пелистер 10.