Во рамките од 28 коло во Првата македонска фудбалска лига во саботата се одиграа пет од закажаните шест натпревари.

Мечот помеѓу екипите на Воска Спорт и Вардар не го доживеа својот крај. Повеќе прочитајте ТУКА

Фудбалерите на Шкендија запишаа нов важен триумф во трката за шампионската титула откако на гости со 3:2 славеа над Беса 1976.

Домаќините поведоа во 13 минута со голот на Селмани, па следуваше пресврт на гостите со погодоците на Ибраими од пенал во 23 и Тамба во 37 минута.

Селмани со својот втор погодок на мечот донесе израмнување во 65 минута, а струшкиот тим дојде до триумф со голот на Мерџани во 80 минута.

Силекс со 2:1 триумфираше против Шкупи, иако клубот од Чаир имаше предност од 32 минута со голот на Анса. Кратовци направија целосен пресврт во вториот дел со погодоците на Ѓорѓиевски (61`) и Алиќ (68`).

Работнички со 2:1 го надигра Пелистер, битолската екипа беше во позитива по првото полувреме со голот на Ивановски (40`). „Романтичарите“ направија пресврт во вториот дел со двата голови на Гандо во 68 и 89 минута.

Стојкоски во 26 минута стрелаше за водство на Тиквеш против Брера, потоа Воша во 85 минута постигна гол за 2:0, а струмичкиот тим до крајот на мечот само успеа да го ублажи поразот во 94 минута преку Травали.

Табела: Шкендија 62 бодови, Силекс 58, Работнички 52, Гостивар 48, Струга 46, Шкупи 33, Вардар 29, Пелистер 29, Тиквеш 26, Брера Струмица 24, Беса 1976 24, Воска Спорт 22.