Македонскиот пливачки клуб Вардар 2018 имаше 18 натпреварувачи на меѓународниот натпревар „Анте Ламбаша“ Меморијал Белград, Србија.

Клубот се врати со голем број на медали и два нови државни рекорди кои ги оствари Влатко Цеков во категоријата помлади пионери.

– Се вративме со два нови Државни рекорди, многу златни, сребрени и бронзени медали со подобрени лични времиња. Иако е прв натпревар во голем базен во новата пливачка сезона, екипата се покажа во добро светло. Покрај фактот дека скоро целиот тим беше со штотуку поминат вирус. Честитки до целиот тим – соопштуваат од Пливачкиот Клуб Вардар 2018.

Влатко Цеков, пливачот на Вардар 2018 собори два нови државни рекорди во категоријата помлади пионери.

Во дисциплината 50 метри градно Цеков оствари време 36:22 секунди, поранешниот рекорд 37:65 беше во сопственост на Матеј Цветановски. А во дисциплината 100 метри градно Цеков имаше време 1:20.87 минута, поранешниот рекорд од 1:21.73 мин беше во сопственост на Андреј Стојановски.