Популарната платформа за барање работа Линкедин (Linkedin) ненајавено ја ажурираше својата политика за приватност, која сега вели дека податоците на корисниците се користат за обука на модели со вештачка интелигенција (ВИ).

„Можеме да ги користиме вашите лични информации за да ги подобриме, развиеме производите и услугите, да развиеме и обучуваме модели за вештачка интелигенција (ВИ), да развиваме, да ги обезбедуваме и персонализираме нашите услуги и да добиеме увид со помош на вештачка интелигенција“, се вели во ажурираните услови за приватност на Линкедин.

Корисниците кои не сакаат Линкедин да ги користи нивните приватни податоци може да ја отповикаат дозволата со одење на табот „Data Privacy“ и потоа кликнување на „Data for Generative AI Improvement“ и исклучување на оваа функција, пренесува порталот Верге.