Министерот за здравство Венко Филипче одговори за организација на излетничките места во летниот период, електронскиот рецепт, платените дежурства, како и за заболувањето на децата од Ковид-19.

– Во однос на електронските рецепти тие може да се продолжат телефонски. Дел од клиниките се вратија во функција, дел се спремаат. Во следните две недели ќе бидат во функција.

Имаме препораки кои важат цело време, во затворени простори носење на маски и одржување на дистанца важи за секаде. Битно е да се почитуваат овие мерки. Ние имаме мерки кои ги донесовме меѓу првите земји во Европа, бидејќи тоа го спречи ширењето на вирусот.

Ќе биде потешко во летните месеци, но секаде ќе биде така, за да не се зголеми бројот на пациенти. Било кое место ќе има свој протокол и ред на работа според димензионираните мерки. Нешто што е универзална мерка е носењето на заштитната маска.

Генерално заболените деца имаат полесна клиничка слика, не е јасно зошто е тоа така. Станува збор за вирус за кој треба истражување.

Начинот на пресметување на дежурства е идентичен овој период. Дежурствата се платени околу 3.000 денари во зависност од клиниката, а сега од 8 до 10 илјади денари. Се пресметуваат часови, па слободен ден. Планираме сума на средства како награда за сите лекари и медицински сестри кои работеа овој изминат период со заболените пациенти, рече Филипче.

Комисијата ќе предложи олабавување на мерките, еве кога се враќаме во нормала