Пластичен хирург откри што се случило со лицето на Мадона, по непрепознатливото појавување на Греми
Кралицата на поп музиката Мадона несомнено го има едно од најпрепознатливите лица во светот. Таа е позната по својата авангардност, како во музиката, така и во изгледот, по рушењето на бариерите, камелеонот во себе… Меѓутоа, кога Мадона се појави на сцената на доделувањето на Греми наградите во неделата, беше „непрепознатлива“ дури и за нејзините најголеми обожаватели, поттикнувајќи лавина од коментари за тоа што може да биде одговорно за нејзиниот драстично поинаков изглед. Многумина се прашуваа дали лицето на 64-годишната мега ѕвезда претрпело дополнителни естетски процедури, пишува „Дејли мејл“.
Препорачано
View this post on Instagram
По тој повод неколку водечки пластични хирурзи го дадоа своето стручно мислење за тоа дали Мадона претерала со вбризгувањето филери и ботокс во лицето, како и лифтинг, и корекција на носот.
Доктор Мајкл Хорн, сертифициран пластичен хирург од Чикаго изјави за „Дејли мејл“ дека Мадона најверојатно неодамна отишла „под нож“. Д-р Хорн мисли дека не само што направила лифтинг (подигнување) на лицето, што било очигледно поради нејзината кожа која изгледала затегнато и без брчки, туку имала и хируршка корекција на носот.
„Низ годините Мадона очигледно претрпела бројни пластични операции“ додал д-р Хорн.
View this post on Instagram
„На нејзиното последно појавување на Греми наградите видовме различна верзија од Мадона што ја познававме. Таа повторно правела лифтинг на лицето, а очите ѝ изгледаа помали најверојатно поради самиот лифтинг. Мадона порано имаше природен нос кој соодветствуваше со нејзиното лице, но се чини дека се подложила на естетска корекција, бидејќи сега носот има шпицест врв и е премногу тесен. Употребата на ботокс, исто така, е забележлива промена, особено поради минималните движења на лицето кои беа забележливи во текот на нејзиниот говор. Она што беше најочигледно е формата на нејзиното лице кое сега има структура на латиничната буква „V“. Ова сосема го менува нејзиниот природен изглед и пријатната структура на коските на лицето. Нејзините јаболчници се поистакнати и поставени неприридно високо и конечно нејзините веѓи кои се подигнати, што повторно укажува на конкретни корекции“, објаснува д-р Хорн.
View this post on Instagram
Со оглед на сите овие промени, не е ни чудо што Мадона навистина изгледа „непрепознатливо“, а дали вам ви се допаѓа одлучете сами. За вкусови не се дикутира!
ВИДЕО | „Ова е толку тажно“: Мадона ги шокираше обожавателите со својот изглед без шминка
