Синоќа нешто по зајдисонце, хеликоптер на АРМ спасил повреден планинар кој се наоѓал на непристапен терен на шарпланинскиот врв Љуботен, информираат од МВР.

„На 08.06.2025 во 13:20 часот во СВР Тетово било пријавено дека на непристапен терен на падините на врвот „Љуботен“ има повредено лице и потребно е негово извлекување. Во 19:45 часот со хеликоптер од АРМ подигнато е повреденото лице Ј.С.(57) од с.Рогачево, тетовско и е транспортирано во Комплексот клники „Мајка Тереза“ во Скопје за укажување помош. Полицајци и месното население од местото во добра здравствена состојба ги презеле и Ф.Ф.(45) од Скопје и С.С. од с.Рогачево, по што ги пренеле со селото Старо Село“, велат од полицијата.