Во реванш натпреварот од второто квалификациско коло во Конференциската лига фудбалерите на Струга Трим Лум загубија со 3:1 од екипата на Пјуник.

Актуелниот македонски шампион не успеа да ја одбрани предноста стекната од првиот меч во Охрид кога славеше со 2:1.

Поведоа Ерменците со голот на Дебие во 16 минута, а во 44 минута беше зголемена позитивата со погодокот на Коваленко.

Непосредно пред паузата нашиот претставник успеа да намали преку Ибраими (45+4`) за резултатско враќање во мечот.

Дуелот беше блиску да оди во продолженија, но во самиот финиш од второто полувреме не издржа одбраната на Ќатип Османи, поточно во 96 минута Пјуник успеа да постигне гол за елиминација на Струга.

Во третото квалификациско коло ерменскиот тим ќе игра против подобриот од двомечот Ордабаси – Диферданж (0:1).