Писториус бара слобода, семејството на убиената Стинкамп е против
Параолимпискиот шампион во атлетика една деценија е во затвор поради убиството на својата партнерка. Сега постои можност тој условно да биде ослободен, но семејството на жртвата не се согласува
Оскар Писториус би можел да излезе од затвор до крајот на март. Поранешниот освојувач на златен параолимписки медал една деценија откако со пушка ја уби својата девојка, сега може да биде условно ослободен, зашто отслужи половина од казната.
Препорачано
Семејството на Стинкамп е против предвремено ослободување на Писториус.
Писториус, кому му се ампутирани обете нозе, беше осуден на 13 години и пет месеци за убиство на својата партнерка Рива Стинкамп во 2013 година.
На судењето спортската ѕвезда од Јужна Африка призна дека пукал во неа, но објасни дека мислел оти се работи за провалник кој го ограбувал нивниот дом. Првично Оскар беше осуден за убиство од небрежност, но на повтореното судење тој беше осуден за убиство.
На 31 март релевантната судска институција ќе го разгледа случајот за негово предвремено условно ослободување.
