По полноќ, Пинтија и дел од Усје остнаа без струја, а електричната енергија проструи низ мрежата дури денеска во утринските часови. Состојбата ќе се санирала порано да не била причината приватни трафостанци, проблем кој со децении го мачи дистрибутивниот систем.

– Во ноќните часови, поради дефект на 10 киловолтен извод, без снабдување со електрична енергија останаа Пинтија и дел од Усје. Екипите на Електродистрибуција веднаш излегоа на терен, но не можеа да ги извршат неопходните интервениции поради немање пристап до приватните трафостаници кои се наоѓаат во тој реон. Веднаш по овозможувањето на пристап до овие трафостаници, снабдувањето со електрична енергија беше нормализирано – изјавија од ЕВН за „Слободен печат“.