Македонската кадетска кошаркарска репрезентација (У16) го забележа и петтиот пораз на Европското првенство во „Б“ дивизијата, откако денеска минимално загуби од Бугарија со 65-70, па ќе продолжи да се бори за пласман во разигрувањето.

Натпреварот во најголем дел мина во рамноправна игра, но во клучните моменти бугарските кошаркари беа посмирени и поуспешни. При водство на ривалот од еден поен во самата завршница, нашите момци имаа напад за победа, но на само три секунди до крајот ја загубија топката и Бугарија го заврши натпреварот во своја корист.

Стефан Илиев со 18 поени беше најистакнат во црвено-жолтиот табор, а Лука Чуванов придонесе со „дабл-дабл“ учинок од 15 поени и 12 скока. Кај противникот, Георги Димов заврши со 16 поени.

Од стартот на шампионатот, нашите кадети единствената победа ја запишаа против Словачка, а порази доживеаа од Кипар, Полска, Босна и Херцеговина, Шведска и сега од Бугарија.