МЗТ Скопје Аеродром не успеа да го изненади големиот фаворит во Словенија, составот на Цедевита Олимпија, и на крајот мораше да се помири со четвртиот пораз сезонава во АБА лигата.

Тренерот на македонскиот шампион, Александар Петровиќ им ја честиташе победата на противниците кои според него покажаа извонредна партија.

– Нашиот пораз го гледам во втората, третата и последната четвртина кога целосно ни се распадна играта во одбраната. Не успеавме да го запреме Ален Омиќ под кошот, ривалот имаше повеќе желба за победа, со 10 скокови повеќе од нас, ги натеравме на повеќе загубени топки, но денеска тоа не беше доволно за нас – рече Петровиќ по натпреварот.

Следниот дуел во регионалното натпреварување „металците“ ќе го имаат на 4 ноември дома против црногорскиот Морнар Бар.

За Цедевита Олимпија ова е инаку трета победа во АБА лигата сезонава, а има само еден пораз од Будуќност.