Премиерот Христијан Мицкоски потврди дека платата, од овој месец во основното и во средното образование треба да биде повисока за пет проценти. Ова прашање му беше поставено на денешната посета на на Стопанската комора за информатички и комуникациски технологии – МАСИТ.

Тој додаде дека во април 2025 година, практично со мартовската плата, ќе има зголемување за дополнителни седум проценти. Во април 2026 година, од 7 и пол до 10 проценти, како што посочи премиерот, во зависност од кондицијата на буџетот.

– Април за март 2027 година, повторно 7 ипол до 10 отсто и веќе април 2028 за март 2028 година – од 10 до 12 ипол проценти. Така што, минимум во овој дијапазон временски, платата ќе биде на просечна во образованието зголемена за 46 проценти, а максимум до 60 отсто, што мислиме дека навистина ќе дојдеме до едно пристојно ниво, истакна премиерот.

Тој смета дека исплатата на вработените во образованието не е доволна, но тоа било во рамките на можностите.

– Бидејќи во моментот, ако просечната плата во државата е повеќе од 41 илјада денари, во образованието е 9 илјади денари помалку, околу 32 илјади денари – додаде Мицкоски.