Силата на мрежата за социјална заштита на една земја може да даде показател за квалитетот на животот во една земја. Според резултатите од истражувањето, нордиските земји се најдоброто место за одгледување деца.

Рангирањето на најдобрите земји за воспитување деца за 2024 година беше извлечено од глобалното истражување на речиси 17.000 луѓе спроведено од „US News“. Рангирањето се заснова на тоа како испитаниците ги гледаат земјите во однос на осум специфични атрибути: грижа за човековите права, однос кон семејството, родова еднаквост, среќа, еднаквост на приходите, безбедно и добро развиено јавно образование и јавно здравствен систем.

Ова се првите пет земји кои се најдобри за воспитување деца, врз основа на перцепциите на испитаниците.

5. Швајцарија

Породилното отсуство во Швајцарија трае 98 дена или 14 недели, за време на кои на мајките може да им се исплати 80 отсто од заработката, се наведува на веб-страницата на швајцарската влада. Овој тип на отсуство обично започнува од денот на раѓањето на детето. Отсуството за татковство или втор родител, пак, трае две недели – исто така со 80 отсто надоместок од платата.

4. Финска

Политиката за семејно отсуство на Финска вклучува до 40 работни дена породилно за време на бременоста – обично почнувајќи 30 работни дена пред датумот на раѓање на детето, но не подоцна од 14 работни дена пред – и 160 работни дена отсуство по родител што мора да се искористи пред детето наполни 2 години, според Министерството за економски прашања и вработување на Финска. Вработените родители можат да го користат родителското отсуство во најмногу четири одделни периоди, од кои секој мора да трае најмалку 12 дена.

Еден родител може да му даде на другиот родител до 63 дена родителско отсуство. И „InfoFinland“, веб-страница што ја одржува градот Хелсинки, забележува дека самохраните родители можат да ги користат сите 320 работни дена.

3. Норвешка

Родителите кои работат во Норвешка може да имаат право на 49 недели родителски додаток со целосна плата или 59 недели со 80 проценти од платата, според информациите на Европската комисија. Поделбата е резервирана за секој родител.

Родителите кои посвоиле можат да добијат слични бенефиции за отсуство како и родителите што имаат свои деца.

2. Шведска

Шведската политика за родителско отсуство е меѓу најдарежливите во светот, која им нуди на родителите 480 дена платено отсуство кога ќе се роди или посвои дете, или 240 дена за секој во домаќинство со двајца родители, според „Sveden.se“, страница водена од јавната агенција на Шведскиот институт.

Почнувајќи од прва година, децата во Шведска имаат право на платено место во градинка, во кое можат да одат додека не влезат во основно училиште на 6-годишна возраст.

1. Данска

Данска е на врвот како најдобра земја за воспитување деца, според глобалното истражување.

Данскиот систем за родителско отсуство обезбедува 24 недели платено родителско отсуство по раѓањето на детето за секој родител доколку живеат заедно и дополнителни четири недели за мајките пред очекуваниот датум на породување, според веб-страницата „Nordic Cooperation“. Вработените можат да префрлат и до 13 недели отсуство на својот партнер, забележува данската веб-страница.

Децата можат да добијат место во дневна установа кога ќе наполнат 26 недели, а родителите плаќаат до 25 отсто од трошоците.