Пет мотори и четири автомобили во понеделникот учествувале во масовна сообраќајка на магистралниот пат Гостивар – Кичево, кај Мавровската крстосница, пет лица завршиле со сериозни повреди, а четворица мотоциклисти се здобиле со тешки телесни повреди.

„На 8 септември 2025 година во 15:50 часот во ОВР Гостивар било пријавено дека на магистралниот пат Гостивар — Кичево, во близина на Мавровска крстосница, се случила сообраќајна несреќа помеѓу мотоцикл ‘кавасаки’ со скопски регистарски ознаки, управуван од 22-годишниот И.З. од Скопје, мотоцикл „сузуки“ со скопски регистарски ознаки, управуван од 22-годишниот Д.П. од Скопје, мотоцикл ‘јамаха’ управуван од 34-годишниот Ј.Д. од Скопје, мотоцикл ‘сузуки’, управуван од М.Т.(23) од Скопје, мотоцикл ‘јамаха’ со скопски регистарски ознаки, управуван од 18 -годишниот П.Б. (18), патничко возило ‘голф’ со струшки регистарски ознаки, управувано од 25-годишниот Ш.Ј. од Струга, патничко возило ‘сузуки’ со скопски регистарски ознаки, управувано од 49-годишниот М.М.Г. од Република Турција, патничко возило ‘ауди’ со албански национални ознаки, управувано од И.К. (34) од с.Форино, гостиварско и патничко возило ‘голф’ со скопски регистарски ознаки, управувано од Б.С.(41) од Скопје“, соопшти МВР.

Во несреќата со тешки телесни повреди завршиле мотоциклистите Д.П., И.З., П.Б. и М.Т., а со телесни повреди завршиле мотоциклистот Ј.Д. и возачот И.К.., констатирани во Општа болница Гостивар и во Комплекс клиники „Мајка Тереза“ во Скопје.