Крофните од сладок компир се деликатес во кој уживаат локалците, но и туристите во Перу. Приказната за овој пржен десерт датира од времето кога Шпанците со себе донеле африкански робови во Перу како евтина работна сила.

Африканските готвачи малку го промениле рецептот за буњелос, познатите пржени топчиња во Перу. Тие внеле сладок компир и тиква во листата на состојки, кои потоа ќе ги мешале со брашно и сол. Топчињата ги пржеле во масло, а потоа ги јаделе со јаворов сируп.

Во меѓувреме, Перуанците успеале да се ослободат од Шпанците, но решиле да ги задржат овие крофнички во нивната кулинарска традиција. И така, познатите буњелос го добиле името пикаронес.

Потребни состојки

• 300 гр сладок компир
• 300 гр тиква
• 3 стапчиња цимет
• 5 каранфилчиња
• 1 кесичка сув квасец
• 600 гр брашно
• Шолја и пол вода од онаа во која сте ја готвеле тиквата

Подготовка

Исчистете ги слатките компири и тиквата, исечете ги и сварете ги со зачините додека не омекнат. Процедете, но зачувајте ја водата во која ги готвевте компирите и тиквата. Земете рачен блендер и убаво измешајте компирите и тиквата ги за да добиете пире.

Откако добиеното пире ќе ви се олади, повторно измешајте го со блендер, па додадете шеќер и квасец. Потоа, додадете една третина од брашното и замесете тесто. Додадете околу четвртина шолја вода од онаа во која ги готвевте компирите и тиквата. Следно, повторете ја постапката, додавајќи брашно и вода, сѐ додека не добиете тесто што не се лепи за рацете. Покријте го тестото и оставете го околу два часа.

Загрејте го маслото и пржете ги крофничките во кружна форма.

За крај, послужете ги крофничките со мед или јаворов сируп.

Добар апетит!