Најдобрите осум возачи освоија поени во спринт трката од 17 круга и 100 километри, кој сега е одвоена од главната трка во недела.

Мексиканецот Серхио Перез од „Ред Бул“ победи на првата спринт трка во сезоната во Формула 1 на Големата награда на Азербејџан во Баку во саботата.

Шарл Леклер од „Ферари“ заврши на второто место по стартот од пол-позицијата, а трет е Макс Ферстапен од „Ред Бул“.

Четвртото место му припадна на Британецот Џорџ Расел на „Мерцедес“, додека Карлос Саинц, вториот член на „Ферари“ беше петти.

Тоа беше прва од шесте спринт трки оваа сезона, а следната ќе се одржи на 1 јули на Ред Бул Ринг во Спилберг како дел од австриското ГП.