Фудбалерите на Реал Мадрид ќе имаат многу тешка задача во среда од 21.00 часот. Откако го загубија првиот натпревар од четвртфиналето на Лигата на шампионите од Арсенал (3:0) во Лондон, тимот на Карло Анчелоти ќе брка чудо во реваншот.

„Топџиите“ навистина имаат сериозна предност, но во неодамнешното минато имаше доста пати кога Кралскиот клуб се враќаше од мртвите.

Неоспорен е квалитетот, а првиот човек на клубот, Флорентино Перез, реши да ги мотивира играчите. Имено, претседателот на Реал Мадрид им вети на играчите богата награда доколку обезбедат пласман во полуфиналето.

– Доколку победите и стигнете до полуфиналето, ќе добиете награда од клубот – се зборовите на Перез.

Слично беше и пред реваншот со Атлетико Мадрид во осминафиналето, кога откако се пласираа во изведувањето на пенали, сите играчи добија бонус од по 250.000 евра. Перез е познат како претседател со „широки раце“, па минатата година им исплати на секој играч бонус до 900.000 евра по триумфот во финалето на Лигата на шампионите.

Играчите веќе добивале високи бонуси за секој натпревар пред финалето, па шпанските новинари пресметале дека секој играч на Реал Мадрид добил над два милиони евра бонуси само во ЛШ.