Големите пожари во американската држава Калифорнија уништија повеќе од 400 илјади хектари земја, а деновиве пожарите ја надминаа количината на запалена земја во однос на минатата година, пренесува АП.

„Еве каде сме, уште не е крај на август, а големината, распространетоста и уништената површина предизвикани од пожарите не ни укажуваат на добро во наредниве месеци. Историјата на пожарите во претходните две децении на западот на САД е многу вознемирувачка. Станува се потопло, пообилно и избувнуваат повеќе пожари.“ изјави историчарот Бил Деверел од Универзитетот Јужна Калифорнија.

Повеќе од десет големи пожари горат во Калифорнија, а многу луѓе беа принудени да ги напуштат своите домови.

Пожарот Дикси, најсилниот од сите кои моментално горат, е вториот најсилен пожар во историјата на Калифорнија, а го уништи и историскиот град Гринвил, а тој претставува закана за домовите на околу 280 километри североисточно од Сан Франциско.

ФОТО+ВИДЕО | Пожарот Дикси е втор по големина во историјата на Калифорнија