Кошаркарскиот клуб Пинар Каршијака од Турција е победник на меморијалниот турнир „Боби Петковски“ во Гевгелија. Во финалниот меч, екипата од Измир беше доста подобар ривал од косовскиот прволигаш Бора (78:59) и го освои првото место на турнирот.

Турскиот состав ја најави победата уште во првиот период, во кој оствари позитива од десет поени (20:10), која до крајот на полувремето ја зголемија на (35:22).

Екипата од Приштина имаше свои минути во третиот дел од играта во кој анулираше поголем дел од двоцифрениот минус, намали на достижни 55:49. Но, во последниот и решавачки период, Каршијака ја врати предноста изразена со две бројки и дојде до победата и пехарот на турнирот.

Во победничките редови Чарлс Менинг Јр. реализираше 16 поени, следен од Мајкл Мур со 15, додека Џастин Алстон запиша 13 поени (осум скокови).

За тимот од Косово како прв стрелец се истакна поранешниот младински репрезентативец на Македонија Резард Мемед со 14 поени. Во тимот на Бора не беше македонскиот репрезентативец Адем Мекиќ.

Во мечот за третото место, во македонскиот дуел Работнички со резултат 85:71 триумфираше над Кожув.

ТУРНИР „БОБИ ПЕТКОВСКИ“ – ГЕВГЕЛИЈА
РЕЗУЛТАТИ

ПОЛУФИНАЛЕ
Кожув – Бора 76:77
Пинар Каршијака – Работнички 84:74

ЗА ТРЕТО МЕСТО
Кожув – Работнички 71:85

ФИНАЛЕ
Бора – Пинар Каршијака 59:78