Во Станица 26, на 4 октомври, во 20:30 ќе може да чуете нови и моќни вокално инструментални фанк њу поп-џез композиции на Михаил Парушев, автор, тапанар и лидер на „Парусион груп“ заедно со пријателите.

Со Парушев на сцената во Станица 26 ќе настапат Зоран Костадиновски – гитара, Јован Цветковиќ – пијано, Иван Бејков на бас, Трајче Велков – труба, Петар Колевски – саксофон, Петар Христов – сопран саксофон, Драган Трајковски – вокал и Елена Васова – вокал и перкусии. На концертот ќе има уште неколку гости кои ќе бидат изненадување за публиката.

Концертот е поддржан од Министерство за култура на РСМ.

Џез-музичарот Михаил Мишко Парушев е композитор и свири на ударни инструменти. Роден е во Скопје во 1976 година во семејство на музичари. Веќе на четиригодишна возраст покажува интерес за ударни инструменти. Почнал да свири на тапани на шестгодишна возраст.

Во 1992 година е прогласен за најдобар тапанар на Скопскиот рок-фестивал. Истата година се запишал во средното музичко училиште „Илија Николовски Луј“ во Скопје, каде изучува класични ударни инструменти. Академија за класична музика завршил на ФМУ во Скопје.

Комерцијален текст