Во второто коло од Евролигата, кошаркарите на Партизан го пречекаа италијанскиот Милано во „Белградската Арена“. Конечниот резултат на натпреварот беше 80:78 (21:19, 24:14, 24:29, 11:16), победа на српската екипа.

Партизан доминираше во првите две четвртини, а третата ја отвори фантастично и во која стигна и до позитива од 20 коша разлика и наместо рутински да го одработи мечот до крајот, дозволи истиот да има неизвесна завршница.

Иалијанците целосно се вратија во игра, го намалија водството на едноцифрена разлика. На резултатот од 78:73 и три минути до крајот, Тирик Џонс го направи петтиот прекршок, оставајќи ги своите соиграчи на цедило.

На минута до крајот, навивачите на Партизан протестираа и фрлаа предмети на теренот, за што „црно-белите“ може да добијат казна. Потоа Балмаро упати шут, а потоа Гудуриќ два, враќајќи го Милано на 80:78 и само два поени предност. Остануваа 30 секунди до крајот.

Тренерот на Парртизан Жељко Обрадовиќ не побара тајм-аут, а Милано го доби последниот напад во натпреварот. Гудуриќ ја презеде одговорноста, но не успеа ниту да упати шут, а Партизан оствари важна победа.

Најефикасен поединец во редовите на Партизан беше Стерлинг Браун со 20 поени, три скока и две асистенции. На другата страна, Шевон Шилдс беше незапирлив со 21 поен и четири скока.