Парични казни за МКК Куманово и натпревари на домашен терен без публика
Согласно членовите 41.1, 42.9.6, 43.12 и 61.2 од Пропозициите за натпреварување во сениорските лиги, комесарот за натпреварување Александар Милојевиќ донесе одлуки за прекинот на натпреварот помеѓу екипите на МКК Куманово и МЗТ Скопје Аеродром одигран во салата „Перо Наков“ во Куманово во Првата кошаркарска лига.
Препорачано
Натпреварот се регистрира со постигнатиот резултат 88:61 во корист на МЗТ. Поради влегување на теренот за игра на неслужбени лица за време на интервалот за игра помеѓу втората и третата четвртина, односно на полувремето од натпреварот и поради прекин подолг од пет минути со отстранување на публиката од сала, екипата на МКК Куманово АД се казнува со настап без публика на домашен терен на еден натпревар – плеј оф, втор натпревар од серијата подобар од три за третото место против екипата на КК Работнички АД, за сезона 2024/25 и се казнува со 16.000 денари согласно членот 55.13 од Пропозициите за натпреварување во сениорските лиги.
Потоа, МКК Куманово се казнува со настап без публика на домашен терен на два натпревари (сезона 2025/26) и 32.000 денари согласно членот 55.8 од Пропозициите за натпреварување во сениорски лиги.
И дополнително, МКК Куманово се казнува со настап без публика на домашен терен на еден натпревар (сезона 2025/25) и 352.000 денари согласно членовите 15.4 и 15.2 од Дисциплинскиот правилник на КФСМ.
Од делегатскиот извештај:
– Се беше во ред до крајот на првото полувреме. На полувремето, двајца гледачи, преку просторот каде што се столчињата, го нападнаа играчот на домашната екипа Тадиќ Т. (338) со цел да му го одземат дресот).
Тука настана голема турканица, каде, голем број на гледачи влегоа на теренот. Морам да истакнам брза и ефикасна реакција на полицијата со која турканицата беше експресно смирена.
Играчот Тадиќ Т, на мое прашање дали беше удрен, одговори – не. Двајцата навивачи се приведени. На излегување спрема соблекувалната, на полувреме, од директорот на МЗТ Скопје ми беше пријавено дека бил удрен играчот Милановиќ М. (931).
На мое прашање дали туркањето треба да биде пријавено, одговори дека не сака.
Морам да напоменам дека јас и судиската тројка не бевме во можност да го видиме туркањето. По ова беше одлучено да се испразни салата. Натпреварот продолжи со 10 гледачи од екипа А и 10 гледачи од екипа Б.
Одлуките за натпреварот МКК Куманово – МЗТ Скопје Аеродром ТУКА
