Поранешниот капитен на фудбалската репрезентација на Македонија, Горан Пандев е горд на неговите доскорешни соиграчи иако во финалето на баражот за пласман на СП во Катар загубија од Португалија со 2:0.

Пандев кој беше капитен на Македонија на Европското првенство што се играше минатата година им порача на репрезентативците да бидат горди и со кренати глави иако не успеаја да обезбедат пласман на Мундијалот.

Македонија по освојувањето на второто место во квалификациите, во баражот ги доби најтешките можни противници, последните два европски шампиони, Италија и Португалија.

Избраниците на селекторот Благоја Милевски минатиот четврток со 1:0 ја совладаа Италија во Палермо, но вчера потклекнаа пред Португалија која славеше до двата гола на Бруно Фернандеш.

„Херои главата горе, Македонија е горда на вас“, напиша Пандев на својот профил на Иснтаграм по поразот од Португалија.