Денеска поранешниот македонски репрезентативец Горан Пандев го имаше првиот настап за својот нов клуб Парма во чиј клуб дојде од редовите на Џенова.

Нашиот напаѓач го одигра целото второ полувреме за Парма која одигра без голови (0:0) против Беневенто во 21 коло од италијанската Серија Б.

Домаќините успеаја да постигнат гол уште во втората минута од средбата преку Форте, но истиот беше поништен поради офсајд.

Парма која веќе трет меч по ред не знае за триумф, моментно на табелата во шампионатот се наоѓа на 13 позиција со 25 бодови, додека Беневенто е на второто место со 36, три помалку од водечката Бреша.

Во следното коло Парма на 12 февруари ќе биде домаќин на последнопласираниот Порденоне.