Министерот за внатрешни работи Панче Тошковски за „Слободен печат“ потврдува дека утринава во повеќе основни и средни училишта, имало дојави за наводно поставен експлозив. Дојавите за бомби се проверуваат. Како што објавивме, учениците од две основни училишта во Скопје, ОУ „Лазо Ангеловски“ и ОУ „Александар Македонски“ биле евакуирани утринава, а за тоа информираа во редакцијата на „Слободен печат“ родители. Мајка на ученик во ОУ „Александар Македонски“ за нашата редакција вели дека на првиот училишен час, на сите во училиштето им било кажано да излезат веднаш надвор и да ги земат со себе само јакните. Мајка на ученичка од ОУ „Лазо Ангеловски“ во Аеродром тврди дека кога утринава ја однела ќерка си на настава, во училишниот двор веќе биле сите деца и кажано им било да си одат дома, бидејќи ноќеска пристигнала закана за бомба.

Дојава за бомба имало и во гимназијата „Јосип Броз Тито“ во Центар.

Евакуирани учениците од две основни училишта во Скопје – „Лазо Ангеловски“ и „Александар Македонски“