Во Јавното обвинителство Скопје Љупчо Палевски- Палчо наскоро ќе даде исказ на распит пред обвинител. Палевски синоќа беше екстрадиран од Турција во Македонија и сместен е во посебна просторија на истражниот затвор Скопје.

Се очекува Палевски пред обвинителот задолжен за истрагата да ја даде својата верзија на настаните со оглед на тоа што е осомничен за убиството на 14-годишната Вања Ѓорчевска и на 74-годишниот Панче Жежовски. Според писмата кои тој ѝ ги упатуваше на македонската јавност од затворот во Баликесир Турција, се очекува Палевски да негира инволвираност во кривично-правните настани за кои се сомничи.

Уште не е познато кој е негов адвокат.

Палевски доби посебна просторија во Шутка под засилен видеонадзор