Министерството за надворешни работи на Пакистан ги осуди воздушните напади на САД врз Иран, еден ден откако Исламабад изјави дека ќе го номинира американскиот претседател Доналд Трамп за Нобелова награда за мир.

Пакистанското министерство за надворешни работи во соопштението изјави дека одлуката на Трамп да бомбардира ирански нуклеарни објекти го прекрши меѓународното право и дека дипломатијата е единствениот начин за решавање на кризата во Иран.

„Невидената ескалација на тензиите и насилството поради тековната агресија против Иран е длабоко вознемирувачка. Секоја понатамошна ескалација на тензиите ќе има сериозни штетни импликации за регионот и пошироко“, се вели во соопштението.

Во најголемиот град во Пакистан, Карачи, илјадници луѓе учествуваа во протестен марш против американските и израелските напади врз Иран.

Демонстрантите скандираа против САД, Израел и регионалниот непријател на Пакистан, Индија.

Пакистан вчера објави дека го номинира Трамп како „вистински миротворец“ за неговата улога во завршувањето на четиридневниот конфликт со Индија кон крајот на минатиот месец.

Пакистан ќе го номинира Трамп за Нобелова награда за мир