Ако имате која било од овие работи во вашиот двор, брзо би можеле да се најдете среде битка со исклучително здодевни, но и опасни инсекти – оси.

За повеќето луѓе, секој зуечки инсект е доволен за да ги направи нервозни. Но, осите се уште пострашни бидејќи нивните убоди можат да предизвикаат сè, од мали, болни реакции на кожата до сериозни алергиски реакции, односно анафилакса.

Според зборовите на експертите, некои работи дополнително привлекуваат инсекти – ако ги отстраните од вашиот двор, поголема е веројатноста да уживате во природата без зуење.

Овошни дрвја

Овошните дрвја на вашиот имот можат да ви обезбедат здрави деликатеси, но тие исто така можат да бидат и засолниште за осите.

„Осите и другите инсекти што убодуваат многу ги привлекува човечката храна, а уште повеќе ги привлекува слатката храна“, изјави за „Бест лајф“ (Best Life) експертот за инсекти Џош Мата, виш биолог во „Спектрум гарден брендс“.

Мата, исто така, препорачува што е можно поскоро собирање на паднато или скапано овошје за да се намали ризикот од појавата од осите.

Остатоци од храна

Секоја храна оставена по оброкот е исто така потенцијално место за собирање на оси. Џим Фредерикс, потпретседател за односи со јавноста на Националното здружение за сузбивање на штетници (НПМА), објаснил дека отворените лименки газиран пијалак и овошните сокови се особено привлечни поради својот сладок вкус.

Тој додал дека осите ги привлекуваме од протеинска храна, па затоа остатоците од скарата исто така можат да ги привлечат овие инсекти во вашиот двор.

„Кога јадете на отворено, држете ги храната и пијалаците покриени додека не бидете подготвени да ги јадете и веднаш исчистете ги истурените течности или остатоците од храна“, советува тој. „Секогаш држете ги кантите за ѓубре покриени и затворени и редовно празнете ги и чистете ги за да ги отстраните остатоците од храната.“

Слатки мириси

Осите не ги привлекува само слатката храна – ги привлекуваат и слатките мириси како парфемите и лосионите.

Според американскиот Центар за контрола и превенција на болести (ЦДЦ), производите за лична нега што мирисаат на банани им се особено привлечни на осите.

Цвеќиња во интензивни бои

Цвеќињата со интензивни бои во вашиот двор не се само привлечни – тие се примамливи и за локалната популација на оси.

„Осите ги привлекуваат цвеќиња во интензивни бои, па секое растение со шарен цветен дезен во вашата градина или двор ќе привлече оси“, објаснува ентомологот Алис Синија.

Некои растенија, како невенот, нането и еукалиптусот, делуваат како природни репеленти, па можете да ги засадите околу растенијата со интензивни бои за да создадете природна бариера.

Застоена вода

Иако резервоарите за дождовница во вашиот двор можат да помогнат да ги одржите вашите растенија здрави, застоената вода исто така може брзо да ги привлече осите.

„Капењето на славините, барите, фонтаните, базените и другите водни површини можат да привлечат оси кои бараат голтка вода“, вели Џордан Фостер, специјалист за контрола на штетници во „Фантастик пест контрол“.

Иако веројатно нема да можете да се ослободите од базените и водните тела, Фостер истакнува дека отстранувањето на други извори на стоечка вода на вашиот имот може да помогне во спречувањето на проблемите со осите.