Премиерот Христијан Мицкоски вели дека за разлика од претходните години, оваа година се многу поподготвени за сезоната на пожарите.

Тој додаде дека дел од застарената и магационирана опрема како што се поранешните војнички оклопни транспортери (БТР), старите хермелини и слично, кои биле во магацините на министерствата за одбрана и за внатрешни работи, сега се модернизирани и им се инсталирани ппосебни резервоари за вода и купени се пумпи кои работат на висок притиосок и можат да пристапуваат на непристапни терени.

„Се подготвуваат и многу скоро денеска ќе бидете сведоци на една таква показна вежба како од ништо направивме нешто. Очекувам 50-60 вакви возила да бидат подготвени, со различен волумен на вода, до 6 000 литри“ рече Мицкоски.

Пренамената на возилата не чинела многу, вели премиерот.

„„Многу малку, многу малку и тоа е пред сѐ работа којашто е завршена на волонтаристичка база и со општествено одговорни компании, Буџетот не го чини воопшто.““ нагласи Мицкоски.

ФОТО | Армиските „Хермелини“ и „БТР“ оклопните возила стануваат противпожарни