Болест што убива 600.000 луѓе годишно, а паразитот што ја предизвикува стана отпорен на главниот лек
Во источна Африка, паразитот што предизвикува маларија станува отпорен на артемисинин, основата на сегашните лекови за оваа болест, која годишно убива околу 600.000 луѓе.
Препорачано
Ако продолжи да се развива резистентноста на лекот, тоа би можело драстично да го комплицира лекувањето на една од најсмртоносните болести во светот, пишува „Сајтек Дејли“ (SciTechDaily).
Истражувањето направено во Еритреја беше објавено во „New England Journal of Medicine“, а беше направено од тим научници од неколку универзитети.
Третманот на маларијата зависи од артемисинин во комбинација со антималарици. Оваа комбинација на лекови е многу ефикасна и обично ги уништува паразитите во крвта на пациентот во рок од 3 дена. Но, паразитите Плазмодиум фалципарум (Plasmodium falciparum) развиваат отпорност на лекови, што се заканува да го смени напредокот постигнат од 2000-та до 2015-та година, кога бројот на смртни случаи од оваа болест се намали за 66 отсто.
Отпорноста на артемисинин првпат се појави во Југоисточна Азија во 2009 година, а потоа почна и отпорност на друг лек. До 2016 година, неуспехот на лекувањето во Југоисточна Азија беше 85 отсто. Отпорноста е предизвикана од мутација на генот Pfkelch13 на паразитот P. Falciparum.
Кога станува збор за маларијата отпорна на лекови, она што се случува во Азија обично стигнува и до Африка, но со задоцнување од една деценија. Повеќе од 95 отсто од сите смртни случаи од маларија се во Африка.
Истражувачите откриле дека од 2016 до 2019 година, отпорноста на лекови скокнала од 0,4 отсто од случаите во 2016 година на 4,2 отсто од случаите во 2019 година, надминувајќи го прагот на Светската здравствена организација за отпорност на лекови.
„За жал, нашата студија покажа дека отпорноста на артемизининот во паразитот од маларија е зајакната во Африка, што значи дека другите лекови веројатно наскоро ќе престанат да делуваат, па може да има голем скок на бројот на болни и умирени од маларија. “, изјавил Дидије Менар, професор на Институтот Пастер на Универзитетот во Стразбур.
Како што наведуваат научниците, состојбата сѐ уште не е катастрофална, но доколку другите лекови престанат да делуваат на паразитите, за брзо време сѐ ќе се влоши.
