Орхидејата е едно од најубавите растенија која веднаш го збогатува и оплеменува просторот за живеење. Не е комплицирана за чување, но важно е сè да правите строго според правилата, од изборот на саксија која мора да биде проѕирна, па сè до пресадување и полевање.

Орхидеите можат да бидат особено предизвикувачки, особено кога станува збор за хранење на ова растение.

Како да ги нахраните орхидеите? За да избегнете негативни последици и да ги намалите хемикалиите, можете да направите природен додаток за орхидеја само од една намирница – ориз. Потопете три дланки ориз во 1 литар вода. Промешајте и оставете да отстои неколку часа, а потоа процедете.

Оризовата вода е полна со хранливи материи, витамини и минерали, па позитивно ќе влијае на развојот на растението и ќе го поттикне обилно и долго да цвета. Можете да ја користите и водата во која се варел оризот, но никако не смеете да ја солите.

Постапката за наводнување вклучува ставање на орхидејата во поголема чинија или сад, а потоа постепено залевање. Во дното на садот ќе се собере течноста, па во неа држете ја орхидејата околу 10 минути за да се натопи почвата. Внимавајте во текот на полевањето да не ги намокрите цветовите, Извадете ја саксијата од садот, оставете водата да се исцеди од неа, а потоа, под саксијата ставете сув сад.

Бидејќи за една орхидеја ќе користите само околу 300 мл вода, остатокот можете да го сипете во сад за мраз и да замрзнете. Добиените коцки мраз од оризовата вода, подоцна можете по една да ги ставате на почвата и на орхидејата да ѝ обезбедите нова исхрана.

Хранењето на орхидејата со оризова вода се препорачува еднаш на секои две недели.