Доктор Ненад Лазаров на социјалните мрежи се осврна на продолженото енормно загадување на воздухот во Скопје од пожарот на депонијата „Дрисла“, наведувајќи ги отровите кои се ослободуваат и нивното влијание врз луѓето.

„Освен акутниот ефект од чадот, главната опасност кога ќе се запали депонија во близина на населено место е ослободувањето на диоксини, фурани и тешки метали, како што се олово и кадмиум, кои се канцерогени, мутагени и исклучително токсични за здравјето на луѓето. Овие соединенија навлегуваат преку воздухот, се таложат во масните ткива и црниот дроб и предизвикуваат акутни и долготрајни респираторни, невролошки и ендокринолошки нарушувања, особено кај децата, постарите и хронично болните лица. Да не зборувам за трудниците…“, пишува д-р Лазаров.

„Голем проблем е продолжениот ефект и по пожарот, со оглед на тоа дека се хемиски стабилни и отпорни на разградување и долготрајно се акумулираат во животната средина и организмите. KN95 маските се измислени за ова“, додава докторот во објавата.

„О2 иницијатива“ со петиција бара „Дрисла“ да остане во надлежност на Град Скопје