Бенџи Грегори, актерот најпознат по улогата во серијата „Алф“ („Alf“), почина на 46-годишна возраст во јуни годинава. Тој беше пронајден мртов во својот автомобил на паркинг на банка во Аризона.

Канцеларијата на шерифот на округот Марикопа сега откри дека дека смртта на актерот била, всушност, несреќа. Извештајот укажува дека Грегори починал од топлотен удар. Имено, тие денови биле измерени околу 42 степени целзиусови во Аризона. Во возилото со актерот било пронајдено и неговото куче Ханс, кое исто така починало.

Ребека, постарата сестра на актерот, претходно изјави за „Ти-ем-зи“ дека Грегори се борел со депресија и биполарно растројство и дека страдал од несоница. Поради ова, тој бил буден со денови.

Да потсетиме, Грегори глумеше во 101 епизода на серијата „Алф“ помеѓу 1986 и 1990 година. Иако по серијата ја продолжи својата актерска кариера, не доживеа преголема слава и во 2003 година реши да ја напушти забавната индустрија и да се приклучи на морнарицата.

Aктерот кој го глумеше момчето Брајан во легендарната серија „Алф“ пронајден мртов во својот автомобил