Палачинките не се тешки за подготовка, потребни ви се само неколку состојки и малку време, но на многумина не им успеваат. Или се жилави или дебели. За да бидат тенки и меки палачинките, најважно е како ја правите смесата.

Колку јајца да се стават?

Една од најважните состојки на палачинките се јајцата. Треба да внимавате колку јајца одат во количината на смесата што сакате да ја направите. Почетниците во готвењето мислат дека палачинките ќе бидат поубави ако стават повеќе јајца. Меѓутоа, тие ќе бидат жилави кога ќе се испечат. Затоа, светските готвачи го посочуваат точниот број на јајца. На секои 500 мл млеко ставете 2 јајца, тоа е идеалната количина. На овој начин ќе ја направите совршената смеса за палачинки.

Колку брашно оди?

Доколку сакате меки и тенки палачинки, мора да внимавате на количината на брашно што ќе ја додаjте во смесата. На пример, ако ставите 2 јајца и 500 мл млеко, тогаш додадете 300 грама брашно. Брашното задолжително просејте го, бидејќи така палачинките ќе бидат воздушни и меки.

Додаjте сода-бикарбона

Користете сода-бикарбона, која ќе ви помогне печените/пржените палачинки да бидат меки. Но, не претерувајте, половина лажичка ќе биде доволна. Доколку користите сода-бикарбона во рецептот за палачинки, задолжително просејте ја заедно со брашното пред да ги додадете останатите состојки.