Две години по ред, празникот Водици е најсреќен за семејството Мелоски. Богојавленскиот крст кој вчера беше фрлен во осветените води на базенот „Расадник” го фати 24-годишниот Илија Мелоски, две години постар брат на Давид Мелоски кој минатата година беше најсреќниот фаќач меѓу педесетина други верници.

Илија по примерот на неговиот брат Давид одлучи наградите да ги донира во доброволни цели.

Ова е трето положување на Богојавленскиот во Општина Кисела Вода, по возобновувањето на традицијата. И оваа година, манифестацијата започна со божествена литургија во храмот Св. Ѓорѓија, од каде потоа градоначалникот Ѓорѓиевски со Богојавленска литија заедно со свештенството, придружувани од КУД “Китка” и многу други верници, се упатија кон базенот “Расадник”.