В недела ќе стартува новата сезона 2024/2025 во Првата македонска фудбалска лига со шест натпревари, пет од нив со почеток од 17.00 часот, а еден од 20.00 часот.

Актуелниот шампион Струга Трим Лум ја почнува одбраната на титулата на домашен терен против Тиквеш 1930.

– Во текот на преодниот рок доведовме многу квалитетни фудбалери. Некои од нив во овој двомесечен период што сме заедно, можам да кажам дека добро се снаоѓаат, но за некои мислам дека треба малку повеќе време во однос на објавување на тимот, со најава на поединецот, па се надевам дека и тие наскоро ќе се изразат и дека ќе придонесат за тимот – вели тренерот на Струга, Ќатип Османи.

Османи не крие дека Струга Трим Лум и годинава е меѓу главните претенденти за титулата:

– Струга Трим Лум и сезонава е кандидат за титулата шампион и дефинитивно со таков епитет ќе мораме на секој натпревар да одиме на победа. Тиквеш покажа висок квалитет во текот на минатото издание, па во недела очекуваме многу тежок натпревар. Згора на тоа, почетокот на првенството е секогаш многу тежок и тоа влијае на секоја екипа, но мислам дека имаме квалитет и јас сум оптимист за победа – рече Османи.

Сезона 2024/2025
Прва македонска фудбалска лига (ПМФЛ)

Прво коло, двојки

Недела (11 август)
Струга Трим Лум – Тиквеш 17.00 часот
Беса 1976 – Шкендија 17.00 часот
Работнички – Силекс 17.00 часот

Пелистер – Гостивар 17.00 часот
Шкупи – Воска Спорт 17.00 часот
Брера Струмица – Вардар 20.00 часот