Претседателот на Советот на Општина Тетово Бесарт Дурмиши смета дека општината вчера при пречекот на Претседателката на Косово Вјоса Османи која беше во официјална посета на Тетово не направила пропуст.

Од почит кон неа, таа е пречекана со билборди на кои и посакавме добредојде на албански јазик оти е Албанка, да дојде некој од Германија ќе му посакаме добредојде на германски јазик, додава Дурмиши. Општината според него не само декларативно туку ви пракса многу пати докажала почит кон сите етникуми кои живеат во Тетово.

„На манифестацијата Тетовско културно лето имаше посебен ден само за другите националности на македонски, турски, ромски јазик, а имало други манифестации каде општината покажала дека ги почитува сите националности. Јас предлагам на сите граѓани и политички партии да не се занимаваат со дневни политики оти тие не водат напред. Државата е мултиетничка и општината е мултиетничка, но еден факт е што мнозинството се Албанци, но, не е точно дека ние како политичка партија не ги почитуваме другите народи“, вели претседателот на Советот на Општина Тетово Бесарт Дурмиши.

Советничката група на ВМРО – ДПМНЕ која на локално ниво го сочинува мнозинството со БЕСА на Касами со остра рекција за вчерашниот пречек на Османи. Нашата партија го поддржува Касами, но тоа не е безусловно, градоначалникот мора да го почитува македонскиот јазик кој е официјален на ниво на цела држава, а Тетово е во Македонија.

„Вчера во Општина Тетово имавме скандалозен начин на пречек на претседателката на Косово и истото најостро го осудуваме. Ќе повториме, ВМРО ДПМНЕ ги повикува институциите во РМ предводени од СДСМ и ДУИ да преземат мерки веднаш и да постапат според уставот и важечките закони во врска со поставување на билборди само на Албански јазик. Вчерашниот начин на пречек на претседателката на Косово не беше во духот на Рамковниот договор. Не треба да се заборави дека Тетово е град во Македонија, во која живеат Македонци и други етникуми и не треба да се заборави фактот дека како на цела територија така и во Тетово официјален јазик е македонскиот. Почитуван градоначаник, Македонците во Тетово бараат достојно спроведување на Рамковниот договор. Тие гласаа за вас и ви ја доадоа довербата на локалните избори со чија помош победивте, Македонците се надеваат дека ќе бидете градоначалник на сите граѓани. Не ги нарушувајте добрите меѓуетнички односи, собирајќи ситни политички поени, должни сте да го почитувате Македонскиот јазик“, изјави Ангел Карапетров советник од ВМРО- ДПМНЕ во Советот на Општина Тетово.

Вчера со многу фама, а речиси никаков исход и конкретни пораки за заедничка соработка на кој било план, помина посетата на претседателката на Косово Вјоса Османи на Тетово.

Таа пред влезот на градот, беше „пречекана“ со билборд само на албански јазик, а за нејзиниот говор немаше официјален превод на македонски јазик.

Добредојде за Османи само на албански јазик, посетата на претседателката ги испразни контејнерите и го растовари сообраќајот во Тетово