Оригинален рецепт за лења пита со лимон: Лесен и освежителен десерт
Доколку размислувате со каков десерт да се почастите деновиве, овој рецепт е совршен за вас. Ќе бидете воодушевени од нетрадиционалната комбинација на фил со крем сирење и лимон.
Препорачано
Лимонот со својата киселост ќе ве освежи и ќе биде совршен спој за мекото и лесно тесто, додека сирењето ќе ја направи оваа едноставна торта покремаста!
Потребни состојки:
– 2 јајца,
– 200 г шеќер,
– 2 дл масло,
– 300 г брашно,
– 1 кесичка прашок за печиво,
– 1 кесичка ванилин шеќер.
– неколку ливчиња нане за декорација
За филот:
– 300 г крем сирење,
– 2 дл павлака,
– 1 кесичка ванилин шеќер,
– 150 г шеќер,
– рендана кора од 1 лимон,
– 2-4 лажици сок од лимон.
Подготовка:
Изматете ги јајцата и шеќерот со миксер, додадете го маслото, промешете, па додадете го брашното со прашокот за печиво и мешајте додека не добиете еластично тесто. Добиената смеса поделете ја на два дела. За филот изматете ги крем сирењето, шеќерот, павлаката и ванилиниот шеќер, па додајте ја кората и сокот од лимон. Првиот дел од тестото ставете го во намрсена тава и израмнете го со лажица, одозгора ставете го филот, а над филот вториот дел од тестото. Печете на 180-200 степени додека малку порумени. Почекајте целосно да се излади, па исечете ја питата. Декорирајте со лимон и нане.
